Serambeak : Ucep munjuk iben ngen Tamu Agung - Hallo sahabat Curup Idaman, Pada Artikel yang anda baca kali ini dengan judul Serambeak : Ucep munjuk iben ngen Tamu Agung, kami telah mempersiapkan artikel ini dengan baik untuk anda baca dan ambil informasi didalamnya. mudah-mudahan isi postingan Artikel Serambeak, yang kami tulis ini dapat anda pahami. baiklah, selamat membaca.

Judul : Serambeak : Ucep munjuk iben ngen Tamu Agung
link : Serambeak : Ucep munjuk iben ngen Tamu Agung

Serambeak : Ucep munjuk iben ngen Tamu Agung

Rejang literate : Lebong`s version

Stabik magea lenget do nejunjung,
stabik magea bumai do tenipok,
stabik magea mulo jijai
stabik magea pengetuwai sadei.

Detaun bik ayun,
debulen bik sipen,
demingau bik lalau,
debilai bik cigai,
dejam bik pejem.

Baso keme dapet kabar magea bito nembin malim pedito.
Baso bilai yo bilai baik bulen betuweak
Rajo bakea sapei moi sadei keme,
pesen dik nembin malim pedito nano,
neak bilai yo rupone saut ne sapei,
kenabul tuhan Rajo sapei niyen neak Kutai keme.

Ngen sapei ne kumu rajo
dio keme temimo ngen adat ca’o pesako deno,
dio a keme made iben pena’ok
akuak madeak, iben penawei akuak mbilang.

Iben ade depicik nik,
pinang ade depiok alus,
iben depicik nik bi teletok,
pinang depiok alus bik sapei,

keme lok minget kune magea eleng-eleng,
minget kune magea semar-mar,
minget magea adat deno,
minget kune magea adat ca’o dute.

Ite mok salang ngen saling,
salang tun kundei dumai belek moi talang,
tun kundei talang belek moi sadei,
dapet ta’ok magea tawea.

Madeak igai kumu Rajo keme,
senajak senajai teko moi kutai keme.
Dio ade iben pena’ok ngen penawea,
tulung kulo kumu temimo iben keme,

salang gik kumu Rajo teko kundei ku’uak,
teko temlek keme anok kutai sadei yo,
memang kumu teko kundei ku’uak,
bi tesu’uk tebo duwai telau,
bi telake’ak tang a’ai lemo tujuak,
bi telakeak kulo gais pigai kutai keme,
bi sapei ba kumu neak kutai keme,
bi sapei beak nyoa pinang
dio ba kumu dapet ta’ok tawea ngen tawe’a.

Dio ade celako ne pemaneu kumu teko moi kutai keme,
temau kumu kutai sunyai,
latet se’ut,
temau kumu umeak pelupuak bele’et tiang se’ik,
temau kumu umeak jelebeng bejejer dawen,
anok kutai dik calak ne bik alau semendo,
tinggea keme dik dudat ne temungau sadei.

Amen pengasai keme,
kumu rajo moi kutai keme,
asai tuweak bumai senu’ung buluak gading,
asai tuwaek lenget tenabor uleak bitang,
asai tekecep tebau talang,
asai tekenem biyoa imbo,
asai ne sengok betemau magea kumu Rajo,
Rajo calak menghukum adea.

Dio ba do dapet uku semapei,
mino maaf amen ta’ok tawea keme sisip,
minoi maaf kulo amen pengena keme saleak,
keme ma’ep kumu dapet belek moi bugai keme,

salam mualaikum warahmatulah hiwabarakatuh…..

Note :

Sambey in bahasa known as Sarembeak. This is one of oral rejangese literate. This is lebong version dialect. Many version with same meaning and purpose. This sambey use as opening word to greet guests of honour in oral rejangese literate.

Credit :

Rearrange by Mr. Erwin Basrin (Tun Topos)
Retype by Admin (Tun Jang)
Image : http://orugallu.net/vinDu/images/pan1.JPG

Demikianlah Artikel Dari Admin Gondrong Serambeak : Ucep munjuk iben ngen Tamu Agung

Sekianlah artikel Serambeak : Ucep munjuk iben ngen Tamu Agung kali ini, mudah-mudahan bisa memberi manfaat untuk anda semua. baiklah, sampai jumpa di postingan artikel lainnya.

Anda sekarang membaca artikel Serambeak : Ucep munjuk iben ngen Tamu Agung dengan alamat link https://curup-idaman.blogspot.com/2011/11/serambeak-ucep-munjuk-iben-ngen-tamu.html

Share on Facebook

Share on Twitter

Share on Google+

Share on LinkedIn

Subscribe to receive free email updates: